Ota-onalar uchun

Farzandingiz qanday tayyorlanadi va biz nimalarni saqlaymiz

Bu sahifada hech narsa yashirilmagan: qanday maʼlumotlar soʻraladi va nima uchun, bot nimalar yuboradi, pul qachon va qanday soʻraladi.

Fanvaqti nima

Fanvaqti — Milliy sertifikat imtihonlariga tayyorgarlik platformasi. Farzandingiz Telegramdagi @fanvaqti_bot orqali har kuni qisqa test ishlaydi: har javobdan keyin toʻgʻri javob, izoh va manba chiqadi, xato qilgan savollari keyingi kunlarda qaytadan beriladi, natijalari esa mavzular boʻyicha tahlil qilinadi. Alohida ilova oʻrnatish yoki saytda hisob ochish kerak emas.

Fanvaqti mustaqil taʼlim platformasi; imtihonni oʻtkazuvchi Bilim va malakalarni baholash agentligi bilan rasmiy bogʻliq emas.

Qanday maʼlumotlar saqlanadi

Roʻyxat bot va maʼlumotlar bazasining oʻzidan olingan. Har bir maʼlumot yonida — nima uchun kerakligi.

Maʼlumot	Nima uchun	Qanday olinadi
Telegram ID raqami	Hisobni tanish — alohida login yoki parol yoʻq	Avtomatik
Ism va familiya	Murojaat qilish	Telegramdan olinadi, foydalanuvchi tasdiqlaydi
Tugʻilgan yil va oy	Yoshni bilish — ota-ona roziligi qoidasi uchun	Tanlanadi; kun soʻralmaydi
Telefon raqami	Aloqa va hisobni tiklash	Faqat “Raqamni ulashish” tugmasi orqali, oʻz raqami
Viloyat va tuman	Hududlar boʻyicha umumiy tahlil	Rasmiy roʻyxatdan tanlanadi
Maqom (abituriyent yoki oʻqituvchi)	Tayyorgarlikni moslash	Tanlanadi
Maqsad qilingan imtihon sanasi	Kunlik reja surʼatini moslash	Tanlanadi, keyin oʻzgartirish mumkin
Eslatma vaqti	Kunlik eslatma yuborish	Tanlanadi, istalgan payt oʻchiriladi
Rozilik berilgan vaqt	Rozilik olinganini tasdiqlash	Roʻyxatdan oʻtish oxirida belgilanadi
Test javoblari va sarflangan vaqt	Natijalar tahlili va tavsiyalar	Test ishlash jarayonida
Imtihonda olingan daraja	Tizimni aniqroq sozlash	Faqat ixtiyoriy, imtihondan keyin soʻraladi
Taklif havolasi kodi	Foydalanuvchi qaysi havola orqali kelganini bilish	Havolada boʻlsa, avtomatik
Ilovadan foydalanish hodisalari	Pilot davri statistikasi (masalan, tavsiya ochilgani)	Foydalanish jarayonida

Nimalar soʻralmaydi va saqlanmaydi

Pasport yoki guvohnoma maʼlumotlari
Bank karta maʼlumotlari (pilot davomida hech qanday toʻlov yoʻq)
Joylashuv (geolokatsiya)
Suratlar, ovozli xabarlar va hujjatlar
Boshqa foydalanuvchilar bilan yozishmalar — botda bunday imkoniyat yoʻq

Rozilik va bot yuboradigan xabarlar

18 yoshgacha — ota-ona roziligi bilan

Voyaga yetmaganlarning shaxsga doir maʼlumotlari ota-onasi yoki vasiysining yozma (shu jumladan elektron) roziligi bilan qayta ishlanadi — “Shaxsga doir maʼlumotlar toʻgʻrisida”gi Qonun, 21-modda.

Bot roʻyxatdan oʻtishning oxirida bu talabni koʻrsatadi. Farzandingiz 18 yoshga toʻlmagan boʻlsa, roʻyxatdan birga oʻtishingizni tavsiya qilamiz.

Bot nimalar yuboradi

Kunlik eslatma — farzandingiz tanlagan vaqtda; /settings orqali oʻchiriladi
Test savollari, izohlar va test natijasi
Imtihon sanasidan keyin — natijani ulashish taklifi (javob berish ixtiyoriy)
Reklama yuborilmaydi

Toʻlovlar

Pul faqat ochiq eʼlon qilingan narx boʻyicha va faqat obuna boshlangandan keyin soʻraladi.

Narxlar sahifasi

Hozir: Pilot davri — barcha imkoniyatlar bepul, karta maʼlumotlari soʻralmaydi.
Keyinchalik: Oylik obuna. Undan oldin 7 kunlik bepul sinov — uni foydalanuvchi oʻzi boshlaydi.
Narx: Obuna boshlanishidan oldin Narxlar sahifasida eʼlon qilinadi.
Toʻlov usuli: Bank kartasi orqali, rasmiy toʻlov tizimlarida. Karta maʼlumotlari Fanvaqtida saqlanmaydi.

Sifat va sizning huquqlaringiz

Savollarni ustozlar yozadi: Har bir savol va izohni fan ustozlari tayyorlaydi; izoh ostida manbasi koʻrsatiladi.
Xatoni xabar qilish mumkin: Har savol ostida “Savolda xatolik bor” tugmasi bor. Xato tasdiqlansa, savol olib tashlanadi va natijaga taʼsir qilmaydi.
Maʼlumotlarni koʻrish va oʻzgartirish: Botdagi /settings buyrugʻi yoki mini ilovadagi “Profil” boʻlimi orqali. Telefon raqami faqat botda oʻzgartiriladi.
Nusxa olish yoki oʻchirish: Farzandingiz haqidagi barcha maʼlumotlarning nusxasini yoki ularni oʻchirishni Aloqa sahifasi orqali soʻrang.

Toʻliq qoidalar — Maxfiylik siyosatida: maʼlumotlar qayerda va qancha muddat saqlanadi, kimga berilmaydi.

Farzandingiz bilan birga boshlang

Botni birga oching, roʻyxatdan oʻting va birinchi testni ishlab koʻring. Pilot davomida bepul.

Telegramda boshlash

Telefon kamerasi bilan skanerlang